• Increase font size
  • Default font size
  • Decrease font size

Kathedrale der Hll. Neumärtyrer und Bekenner Russlands in München

der Russischen Orthodoxen Kirche im Ausland

Акафист Пресвятой Богородице

Тема: Серия бесед, на текст акафиста Божией Матери (его перевода с греческого на церковно-славянский). Акафист - это удивительное по красоте и сложности творение, благодатный глубокий смысл которого не так легко раскрыть даже рассматривая его в прямом сравнении с греческим текстом. Из бесед становится очевидным, где корни духовности русского языка и как тесно переплетены языки: русский, греческий и церковно-славянский. Изначально в Церкви только это одно произведение носило название АКАФИСТ. Позднее, и особенно в последнее столетие, используя структуру акафиста Божией Матери, по подобию писались многочисленные творения, но приблизиться к той духовной высоте и сохранить все особенности его сложного построения оказалось делом невозможным. О воздействии на душу Святые отцы говорят, что тому, кто читает со вниманием и благоговением Акафист Божией Матери раскрываются тайны Божии.

лучше иметь перед глазами текст АКАФИСТА т.к по ходу беседы идет сравнивание с греческим текстом

Беседа 1 - Акафист Пресвятей Богородице - особенности построения.

 

Кондак 1 Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Беседа 2 - Акафист Пресвятей Богородице - Икос 1.

Икос 1 Ангел предстатель с небесе послан бысть рещи Богородице: радуйся,
и со безплотным гласом воплощаема Тя зря, Господи, ужасашеся и стояше, зовый к Ней таковая
:

Радуйся, Еюже рaдocть возсияет; радуйся, Еюже клятва изчезнет.
Радуйся, падшаго Адама воззвание; радуйся, слез Евиных избавление.
Радуйся, высото неудобовосходимая человеческими помыслы;
радуйся, глубино неудобозримая и ангельскима очима.
Радуйся, яко еси Царево седалище; радуйся, яко носиши Носящаго вся.
Радуйся, Звездо, являющая Солнце; радуйся, утробо Божественнаго воплощения.
Радуйся, Еюже обновляется тварь; радуйся, Еюже покланяемся Творцу.
Радуйся, Невесто Неневестная.

Беседа 3 - Акафист Пресвятей Богородице - Кондак 2 и Икос 2.

Кондак 2 Видящи Святая Себе в чистоте, глаголет Гавриилу дерзостно: преславное твоего гласа неудобоприятельно души Моей является: безсеменнаго бо зачатия рождество како глаголеши, зовый: Аллилуиа.

Икос 2 Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице:

Радуйся, совета неизреченнаго Таиннице; радуйся, молчания просящих веро.
Радуйся, чудес Христовых начало; радуйся, велений Его главизно.
Радуйся, лествице небесная, Еюже сниде Бог; радуйся, мосте, преводяй сущих от земли на небо.
Радуйся, Ангелов многословущее чудо; радуйся, бесов многоплачевное поражение.
Радуйся, Свет неизреченно родившая; радуйся, еже како, ни единаго же научившая.
Радуйся, премудрых превосходящая разум; радуйся, верных озаряющая смыслы.
Радуйся, Невесто Неневестная.

Беседа 4 - Акафист Пресвятей Богородице - Кондак 3 и Икос 3.

Кондак 3: Сила Вышняго осени тогда к зачатию Браконеискусную, и благоплодная Тоя ложесна, яко село показа сладкое, всем хотящим жати спасение, всегда пети сице: Аллилуиа.

Икос 3
: Имущи Богоприятную Дева утробу, востече ко Елисавети: младенец же оноя абие познав Сея целование, радовашеся, и играньми яко песньми вопияше к Богородице:

Радуйся, отрасли неувядаемыя розго; радуйся, Плода безсмертнаго стяжание.
Радуйся, Делателя делающая Человеколюбца; радуйся, Садителя жизни нашея рождшая.
Радуйся, ниво, растящая гобзование щедрот; радуйся, трапезо, носящая обилие очищения.
Радуйся, яко рай пищный процветаеши; радуйся, яко пристанище душам готовиши.
Радуйся, приятное молитвы кадило; радуйся, всего мира очищение.
Радуйся, Божие к смертным благоволение; радуйся, смертных к Богу дерзновение.
Радуйся, Невесто Неневестная.

Беседа 5 - Акафист Пресвятей Богородице - Кондак 4 и Икос 4.

Кондак 4: Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.

Икос 4
: Слышаша пастырие Ангелов поющих плотское Христово пришествие, и текше яко к Пастырю видят Сего яко агнца непорочна, во чреве Мариине упасшася, Юже поюще реша:

Радуйся, Агнца и Пастыря Мати; радуйся, дворе словесных овец.
Радуйся, невидимых врагов мучение; радуйся, райских дверей отверзение.
Радуйся, яко небесная срадуются земным; радуйся, яко земная сликовствуют небесным.
Радуйся, апостолов немолчная уста; радуйся, страстотерпцев непобедимая дерзосте.
Радуйся, твердое веры утверждение; радуйся, светлое благодати познание.
Радуйся, Еюже обнажися ад; радуйся, Еюже облекохомся славою.
Радуйся, Невесто Неневестная.

Беседа 6 - Акафист Пресвятей Богородице - Кондак 5 и Икос 5.

Кондак 5: Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.

Икос 5
: Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему, и возопити Благословенней:

Радуйся, Звезды незаходимыя Мати; радуйся, заре таинственнаго дне.
Радуйся, прелести пещь угасившая; радуйся, Троицы таинники просвещающая.
Радуйся, мучителя безчеловечнаго изметающая от начальства;
радуйся, Господа Человеколюбца показавшая Христа.
Радуйся, варварскаго избавляющая служения; радуйся, тимения изымающая дел.
Радуйся, огня поклонение угасившая; радуйся, пламене страстей изменяющая.
Радуйся, верных наставнице целомудрия; радуйся, всех родов веселие.
Радуйся, Невесто Неневестная.

Беседа 7 - Акафист Пресвятей Богородице - Кондак 6 и Икос 6.

Кондак 6: Проповедницы богоноснии, бывше волсви, возвратишася в Вавилон, скончавше Твое пророчество, и проповедавше Тя Христа всем, оставиша Ирода яко буесловна, не ведуща пети: Аллилуиа.

Икос 6
: Возсиявый во Египте просвещение истины, отгнал еси лжи тьму: идоли бо его, Спасе, не терпяще Твоея крепости, падоша, сих же избавльшиися вопияху к Богородице:

Радуйся, исправление человеков; радуйся, низпадение бесов.
Радуйся, прелести державу поправшая; радуйся, идольскую лесть обличившая.
Радуйся, море, потопившее фараона мысленнаго; радуйся, каменю, напоивший жаждущия жизни.
Радуйся, огненный столпе, наставляяй сущия во тьме; радуйся, покрове миру, ширший облака.
Радуйся, пище, манны приемнице; радуйся, сладости святыя служительнице.
Радуйся, земле обетования; радуйся, из неяже течет мед и млеко.
Радуйся, Невесто Неневестная.

Беседа  - Акафист Пресвятей Богородице - Кондак 7 и Икос 7. - беседа готовится -

Кондак 7: Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.

Икос 7
: Новую показа тварь, явлься Зиждитель нам от Него бывшим, из безсеменныя прозяб утробы, и сохранив Ю, якоже бе, нетленну, да чудо видяще, воспоем Ю, вопиюще:

Радуйся, цвете нетления; радуйся, венче воздержания.
Радуйся, воскресения образ облистающая; радуйся, ангельское житие являющая.
Радуйся, древо светлоплодовитое, от негоже питаются вернии;
радуйся, древо благосеннолиственное, имже покрываются мнози.
Радуйся, во чреве носящая Избавителя плененным; радуйся, рождшая Наставника заблудшим.
Радуйся, Судии праведнаго умоление; радуйся, многих согрешений прощение.
Радуйся, одеждо нагих дерзновения; радуйся, любы, всякое желание побеждающая.
Радуйся, Невесто Неневестная.

Беседа 9 - Акафист Пресвятей Богородице - Кондак 8 и Икос 8.

Кондак 8: Странное рождество видевше, устранимся мира, ум на небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.

Икос 8
: Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия:

Радуйся, Бога невместимаго вместилище; радуйся, честнаго таинства двери.
Радуйся, неверных сумнительное слышание; радуйся, верных известная похвало.
Радуйся, колеснице пресвятая Сущаго на Херувимех;
радуйся, селение преславное Сущаго на Серафимех.
Радуйся, противная в тожде собравшая; радуйся, девство и рождество сочетавшая.
Радуйся, Еюже разрешися преступление; радуйся, Еюже отверзеся рай.
Радуйся, ключу Царствия Христова; радуйся, надеждо благ вечных.
Радуйся, Невесто Неневестная.

-.-

Серия бесед будет продолжена

Download Name Play Size Duration
download Beseda 01 - Akathist Presvjatey Bogorodize
prot.Nikolai Artemoff

21.2 MB 23:06 min
download Beseda 02 - Akathist Presvjatey Bogorodize
prot.Nikolai Artemoff

20.6 MB 22:28 min
download Beseda 03 - Akathist Presvjatey Bogorodize
prot.Nikolai Artemoff

26.4 MB 28:49 min
download Beseda 04 - Akathist Presvjatey Bogorodize
prot.Nikolai Artemoff

10.9 MB 11:54 min
download Beseda 05 - Akathist Presvjatey Bogorodize
prot.Nikolai Artemoff

12.9 MB 14:06 min
download Beseda 06 - Akathist Presvjatey Bogorodize
prot.Nikolai Artemoff

13.1 MB 14:19 min
download Beseda 07 - Akathist Presvjatey Bogorodize
prot.Nikolai Artemoff

26.1 MB 28:30 min
download Beseda 09 - Akathist Presvjatey Bogorodize
prot.Nikolai Artemoff

23.4 MB 25:37 min

 

Kathedrale der Hll. Neumärtyrer und Bekenner Russlands in München

der Russischen Orthodoxen Kirche im Ausland



@copyright 2008-2022, Kathedrale der Hll. Neumärtyrer und Bekenner Rußlands in München